ഡോ.വര്ഗീസ് ചക്കാലയ്ക്കല് (കണ്ണൂര് രൂപത മെത്രാന്)
ദൈവം മനുഷ്യനായി ബത്ലേഹമില് അപ്പത്തിന്റെ ഭവനത്തില് ജനിച്ച പുണ്യദിനമാണ് ക്രിസ്മസ്. ദൈവത്തിന്റെ സ്നേഹം മനുഷ്യരൂപം പൂണ്ട ദിവസമാണത്. ക്രിസ്മസ് ആഘോഷം എങ്ങനെ ആയിരിക്കണമെന്ന് ചിന്തിച്ചപ്പോള് ലഭിച്ച ചില ഉള്ക്കാഴ്ചകള് 10 കല്പ്പനകളായി അവതരിപ്പിക്കട്ടെ.
1. ക്രിസ്മസ് ആഘോഷങ്ങളില് ക്രിസ്തുവിനെ നിങ്ങള് തള്ളിക്കളയരുത്. ദൈവം മനുഷ്യനായി നമ്മുടെയിടയില് കൂടാരമടിച്ച, ദിവസത്തിന്റെ ഒാര്മ പുതുക്കലാണ് ആ ദിനമെന്നു മറക്കരുത്.
2. ക്രിസ്മസിനു വേണ്ടി നീ നിന്റെ ആത്മാവിനെയും ശരീരത്തെയും മനസ്സിനെയും ഹൃദയത്തെയും
ഒരുക്കണം. ക്രിസ്മസ് ആത്മവിശുദ്ധീകരണത്തിന്റെ നാളെന്ന് മനസ്സിലാക്കി ജീവിതത്തെ പരിഷ്കരിക്കണം.
3. ക്രിസ്മസില് ക്രിസ്തുവിനു പകരം സാന്താക്ളോസിനെ നീ പ്രതിഷ്ഠിക്കരുത്. ഇൌ വിശുദ്ധന് പങ്കുവയ്ക്കലിന്റെ വിശുദ്ധിയുടെ ഒരു പ്രതീകം മാത്രമാണ്.
4. ക്രിസ്മസിന് നീ കൊടുക്കുന്ന സമ്മാനത്തോടൊപ്പം നീ നിന്നെത്തന്നെ നല്കണം. നിന്റെ സമ്മാനം ലഭിക്കുന്നവര്ക്കു നീ നല്കുന്നത് സ്നേഹത്തിന്റെ ഒരു നിധിയായിരിക്കും.
5. ക്രിസ്മസിന് നിനക്കു ലഭിക്കുന്ന സമ്മാനങ്ങളുടെ മൂല്യം അതിന്റെ വിലനോക്കി നിശ്ചയിക്കരുത്. സ്വര്ണത്തെക്കാളും വെള്ളിയെക്കാളും കൂടുതല് വിലമതിക്കുന്നതാണ് സ്നേഹം.
6. ആവശ്യത്തിലിരിക്കുന്നവരെ നീ അവഗണിക്കരുത്. നിനക്കു കിട്ടിയ അനുഗ്രഹങ്ങള് പങ്കുവയ്ക്കുക. പട്ടിണി കിടക്കുന്ന ഒരാള്ക്ക് ഒരു പൊതി ചോറു നീ നല്കണം.
7. ക്രിസ്മസ് ആഘോഷങ്ങളുടെ കേന്ദ്രബിന്ദു ഭക്ഷണമോ, മദ്യമോ അല്ല, മറിച്ച് ദേവാലയത്തില് നടക്കുന്ന ശുശ്രൂഷകളാണ്. ക്രിസ്മസ് പ്രാര്ഥനയുടെ ആഘോഷമാക്കണം.
8. ദൈവരാജ്യം ശിശുക്കള്ക്കാണ് ലഭിക്കുകയെന്നാണ് ക്രിസ്തു പറഞ്ഞത്. ശിശു സഹജമായ മനോഭാവത്തോടെ ക്രിസ്മസ് ആഘോഷിക്കണം.
9. ക്രിസ്മസിന് മറക്കാനും പൊറുക്കാനും കഴിയുന്ന ഒരു ഹൃദയം നിനക്കുണ്ടാവണം. ക്ഷമിക്കുന്നതിലൂടെ മാത്രമെ ലോകസമാധാനവും കുടുംബസമാധാനവും ഉണ്ടാവുകയുള്ളൂ.
10. ക്രിസ്മസിന് നീ നിന്റെ ഹൃദയം ക്രിസ്തുവിനു നല്കണം. നിന്റെ ഹൃദയത്തിന്റെ വാതില് രക്ഷകനായ ക്രിസ്തുവിനു വേണ്ടി തുറന്നിടുക.
എല്ലാവര്ക്കും ക്രിസ്മസിന്റെ സമാധാനം നേരുന്നു.
0 comments:
Post a Comment